Filippində "Rai" qasırğası 108 nəfərin həyatına son qoyub

Filippində Sakit okeanda "Rai" tayfunu nəticəsində azı 108 nəfər ölüb.

"Report" xəbər verir ki, bu barədə "Agence France-Presse" məlumat yayıb.

Daha əvvəl 75 nəfərin öldüyü bildirilirdi.

Qasırğa Filippinin mərkəzi və cənub-şərq hissələrini əhatə edib.

Bir çox bölgələrdə tayfun elektrik enerjisinin kəsilməsinə və ciddi fəsadlara səbəb olub. Təbii fəlakətdən ən çox zərər çəkən Bohol əyalətində 49 nəfərin öldüyü, 10 nəfərin itkin düşdüyü bildirilir.

Ümumilikdə, “Rai” qasırğası 780 minə yaxın insana ziyan vurub, onlardan 300 mini təhlükəsiz ərazilərə köçürülüb.