Filippində daşqınlar nəticəsində ölənlərin sayı 8-ə çatıb

Filippinin cənub və şərq əyalətlərində leysan yağışlar zamanı yaranan daşqınlar nəticəsində azı 8 nəfər ölüb, 19 nəfər itkin düşüb.

“Report” xəbər verir ki, bu barədə “Euronews” filippinli rəsmilərə istinadən məlumat verib.

Bildirilib ki, 46 minə yaxın insan təxliyə mərkəzlərinə köçürülüb.

Alimlərin fikrincə, Filippin iqlim dəyişikliyinin təsirlərinə ən həssas olan ölkələr sırasındadır. 7600-dən çox adadan ibarət arxipelaqda ildə orta hesabla 20 tropik fırtına meydana gəlir.