Fələstin prezidenti: "ABŞ bundan sonra sülh danışıqlarında vasitəçi ola bilməz"

Bakı. 6 dekabr. REPORT.AZ/ Fələstin lideri Mahmud Abbas ABŞ prezidenti Donald Trampın Qüdsün İsrailin paytaxtı kimi tanıması qərarına münasibət bildirib.

"Report" AFP-yə istinadən xəbər verir ki, Abbas ölkənin İsrail ilə danışıqlarda Amerikanın vasitəçiliyindən imtina etməsi barədə qərarını təsdiqləyib.

"ABŞ Trampın bəyannaməsindən sonra sülh danışıqlarında vasitəçi ola bilməz", - deyə agentlik Abbasın sözlərini sitat gətirib.