Federika Mogerini Kubaya iki günlük rəsmi səfərə gedəcək

Bakı. 4 mart. REPORT.AZ/ Avropa İttifaqının xarici işlər və təhlükəsizlik siyasəti üzrə ali nümayəndəsi Federika Mogerini Kubaya iki günlük rəsmi səfərə gedəcək.

"Report"un RİA "Novosti" agentliyinə istinadən verdiyi xəbərə görə, Mogerini martın 10-da Havanada olacaq.

Səfərin əsas məqsədi Kuba ilə Avropa İttifaqı arasında Siyasi Dialoq və Əməkdaşlığa dair Sazişin hazırlanmasıdır.

Qeyd edək ki, Kuba Aİ ilə saziş imzalamayan yeganə Latın Amerikası ölkəsidir.