Yuxarı
    Bağlamaq

    FBI: İŞİD Əl-Qaidədən daha təhlükəlidir

    Federal Təhqiqatlar Bürosunun direktoru Ceyms Komey İŞİD-in amerikalıları təşkilata cəlbetmə səylərindən narahatdır

    Bakı. 23 iyul. REPORT.AZ/ Federal Təhqiqatlar Bürosunun (FBI) direktoru Ceyms Komey hesab edir ki, İŞİD-in internetdə amerikalıları təşkilata cəlbetmə səyləri ABŞ üçün Əl-Qaidədən daha böyük təhlükə mənbəyidir.

    "Report"un Amerikanın səsinə istinadən verdiyi məlumata görə, Kolorado ştatında təşkil olunan Aspen Təhlükəsizlik Forumunda çıxış edən Komey, İŞİD-in sosial media kampaniyasını intensivləşdirəcəyi barədə xəbərdarlıq edib.

    O deyib ki, Əl-Qaidənin döyüşçülərini seçməkdə ehtiyatlı olmasından fərqli olaraq, İŞİD özlərini idarə edə bilməyən və narkotik maddədən istifadə edən insanları belə sıralarına alır.

    Komey deyib ki, İslam Dövləti ilə əlaqədar Tvitter hesabların 21 min ingilis dilli izləyicisi var və onların yüz və ya minlərlə izləyicisi ABŞ-dadır.

    O deyib ki, Federal Təhqiqatlar Bürosunda radikallaşma və terror hücumu həyata keçirmə ehtimalı olan və amerikalıların iştirak edə biləcəyi yüzlərlə açıq təhqiqat halları mövcuddur.

    Komey ötən həftə Tennessi ştatında beş hərbçini öldürən Məhəmməd Əbdüləzizi əvvəllər izləmədiklərini təsdiqləyib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi