Ərdoğan əlcəzairli həmkarı ilə danışıq aparıb

Türkiyə prezidenti Rəcəb Tayyib Ərdoğan Əlcəzairin dövlət başçısı Əbdülməcid Tebbunla telefon danışığı aparıb.

“Report” “Anadolu” agentliyinə istinadən xəbər verir ki, bu barədə Türkiyə Prezidenti Administrasiyasının İctimaiyyətlə əlaqələr üzrə İdarəsinin xəbərində deyilir.

Danışıq zamanı ikitərəfli əlaqələrin inkişafı və regional problemlər müzakirə edilib.

Söhbətin gedişatında Rəcəb Tayyib Ərdoğan həmkarını koronavirusdan sağalması münasibətilə təbrik edib.