Ərdoğan: "Əfqanıstanda yenidən qarşıdurmanın olmaması üçün səylərimizi davam etdiririk"

“Əfqanıstanda daimi sabitliyin olmasını istəyirik. İndiki çətin qış aylarında əfqan qardaşlarımıza humanitar yardımların edilməsi prioritetimizdir”.

“Report” xəbər verir ki, bu fikirləri Türkiyə Prezidenti Rəcəb Tayyib Ərdoğan İslam Əməkdaşlıq Təşkilatının Parlamentlər Birliyinin XVI konfransısının açılışında deyib.

“Davam edən proseslərdə bizə xoş gəlməyən məqamlar var. Tövsiyələrimizi konkret formada müttəfiqlərimizə çatdırırıq. Əfqanıstanda yenidən qarşıdurmanın olmaması üçün səylərimizi davam etdiririk”, - dövlət başçısı bildirib.