Əlcəzairdə turistləri daşıyan avtobus qəzaya düşüb, ölənlər var

Əlcəzairin şimal-şərqində turistləri daşıyan avtobusun yük avtomobilinin qoşqusu ilə toqquşması nəticəsində azı 18 nəfər ölüb.

"Report"un məlumatına görə, bu barədə "Ən-Nahar" portalı milli jandarmaya istinadən xəbər verib.

Avtomobil qəzası Cijel və Konstantin şəhərlərini birləşdirən yolda baş verib. Yaralanan 11 nəfər xəstəxanaya yerləşdirilib.

Polis hadisənin səbəbini araşdırır.