Ekvadorda terrorçuların hücumu nəticəsində 11 nəfər ölüb

Ekvadorun qərbindəki Manabi əyalətində xoruz döyüşü iştirakçıları silahlı hücuma məruz qalıb.

“Report” xəbər verir ki, bu barədə mənbələrə istinadən “Ecuavisa” telekanalı məlumat yayıb.

Qeyd olunub ki, terrorçu “Los Lobos” qruplaşması üzvlərinin xoruz döyüşü iştirakçılarına silahlı hücumu nəticəsində qadın və azyaşlılar da daxil olmaqla 11 nəfər ölüb, daha 9 nəfər yaralanıb.

Nəşr qeyd edib ki, terrorçular mükafat fondundan 20 min dollar oğurlayıblar.

Yaralılar xəstəxanaya yerləşdirilib, polis atəş açanlar haqqında məlumat verənə mükafat söz verib.