Ekvadorda prezident seçkiləri başa çatdı

Ekvadorda prezident seçkilərinin ikinci turu başa çatıb.

Bu barədə “Report” respublikanın Milli Seçki Şurası bildirib.

"Demokratiyanın gücləndirilməsinə və Ekvadorun siyasi həyatında aktiv iştirakınıza verdiyiniz töhfəyə görə təşəkkürlər. Seçki günü bitdi”, - Şuranın tvitterdəki xəbərində bildirilir.

Güman edilir ki, Şura saat 19:00-da (Bakı vaxtı ilə saat 04:00-da) səsvermənin ilkin nəticələrini elan edəcək.

“Cedatos” şirkəti tərəfindən keçirilən “exit poll”un nəticələrinə görə, sabiq bankir, sağ mərkəzçi "KREO Hərəkatı"ndan namizəd Gilyermo Lasso seçkilərin ikinci turunda qalib olub. İlkin məlumata görə, o, 53,24% səs toplayıb. Lassonun rəqibi, sol mərkəzçi "Ümid naminə İttifaq" koalisiyasını təmsil edən Andres Araus 46,76% səs toplayıb.

Daha əvvəl bildirilirdi ki, seçkilərdə qalib gələn şəxs mayın 24-də prezident vəzifəsinin icrasına başlayacaq. Onun vəzifə səlahiyyətinin müddəti dörd ildir.

Ekvadorda prezident seçkilərinin birinci turu fevralın 7-də keçirilib.

¡Gracias por contribuir al fortalecimiento de la democracia y ser parte activa de la vida política del Ecuador!
En estos momentos concluye la jornada de votación de las #Elecciones2021Ec. Sigue la información del proceso a través de nuestros canales oficiales. pic.twitter.com/V0gljg6Opj

— cnegobec (@cnegobec) April 11, 2021