Əfqanıstanın şimal-qərbində gərginlik davam edir

Əfqanıstanın Badğıs əyalətinin mərkəzi Qalayi-Nou şəhərində hərbçilərlə “Taliban” dəstələri arasında son 3 gün baş verən toqquşmalar zamanı mülki əhalidən 4 nəfər ölüb, 77 nəfər yaralanıb.

“Report” “1TV”yə istinadən xəbər verir ki, bu barədə yerli xəstəxanadan bildiriblər.

Bundan əvvəl hökumət ordusunun adıçəkilən şəhəri “Taliban” qüvvələrindən azad etmək üçün əməliyyata başladığı bildirilmişdi.

Xatırladaq ki, Əfqanıstanda ABŞ və Qərb ölkələrinin hərbi qüvvələri çıxarıldıqdan bu yana gərginlik xeyli artıb, bir sıra bölgələr “Taliban” hərəkatının nəzarəti altına keçib.