Əfqanıstanın cənubunda partlayış törədilib, ölən və yaralananlar var

Əfqanıstanın Qəndəhar əyalətində bu gün səhər izdihamlı yolun kənarında motosikletin partladılması nəticəsində üç uşaq ölüb, daha 23 nəfər mülki şəxs xəsarət alıb.

“Report” “Khamaa Press”ə istinadən xəbər verir ki, xəsarətalanlar arasında da 6 uşaq var.

Digər mənbələr hadisəni törədən şəxsin də öldüyünü bildirir.

Hələlik bu hadisənin məsuliyyətini üzərinə götürən yoxdur.