Əfqanıstanda yaraqlının hücumu nəticəsində bir NATO hərbçisi ölüb, biri yaralanıb

Bakı. 3 noyabr. REPORT.AZ/ Əfqanıstanın paytaxtı Kabil şəhərində yaraqlının hücumu nəticəsində bir NATO hərbçisi ölüb, biri isə yaralanıb.

"Report" xəbər verir ki, bu barədə NATO-nun "Qətiyyətli dəstək" missiyasının Mətbuat xidmətinin bəyanatında deyilir.

Məlumata görə, hücum edən şəxs dərhal Əfqanıstan ordusunun hərbçiləri tərəfindən məhv edilib.

Hazırda yaralı hərbçiyə tibbi yardım göstərilir, onun vəziyyəti sabitdir. Polis hadisəni araşdırır.