Əfqanıstanda yanacaq tankerində baş vermiş partlayışda ölənlərin sayı 100-ə çatıb

Əfqanıstanın Pərvan əyalətində yanacaqdaşıyan tankerin partlaması nəticəsində ölənlərin sayı 100 nəfərə çatıb və azı 120 nəfər yaralanıb.

"Report" TASS-a istinadən xəbər verir ki, bu barədə yerli “Hasht e Subh” qəzeti məlumat yayıb.

Nəşrin yazdığına görə, Əfqanıstanın Pərvan əyalətində dekabrın 18-də yanacaqdaşıyan tankerin partlaması planlaşdırılmış terror aktıdır. Əfqanıstanda radikal “Taliban” hərəkatının yaratdığı müvəqqəti hökumətin Daxili İşlər Nazirliyi tuneldəki yanğına bir neçə partlayıcının işə düşməsinin səbəb olduğunu açıqlayıb. Partlayıcılardan biri yanacaqdaşıyan tankerə quraşdırılıb. Nazirlik hadisəni terror aktı kimi qiymətləndirib.