Yuxarı
    Bağlamaq

    Əfqanıstanda "Taliban"ın 53 terrorçusu öldürülüb

    Öldürülənlər arasında həmçinin taliblərin komandirlərindən biri olan Kari Ahsanulla da var

    Bakı. 16 avqust. REPORT.AZ/ Əfqanıstan ordusu ölkənin qərbində yerləşən Baqdis vilayətində "Taliban" terrorçularının hücumunun qarşısını alıb. 

    "Report" RİA "Novosti"yə istinadən xəbər verir ki, bunu Balamurqab əyalətinin başçısı Əhməd Ziya Akazay bildirib. 

    Onun sözlərinə görə, əməliyyat zamanı 53 yaraqlı öldürülüb: "Ötən gecə "Taliban" hərəkatının yüzlərlə yaraqlısı Balamurqabda strateji əhəmiyyətli rayonu ələ keçirmək üçün kütləvi, koordinasiyalı hücuma keçib. Xoşbəxtlikdən bir neçə saat davam edən hücumun qarşısı alınıb və yaraqlılar dağlara qaçıblar".

    Öldürülənlər arasında həmçinin taliblərin komandirlərindən biri olan Kari Ahsanulla da var. Bundan əlavə, bir neçə saat davam edən atışma zamanı 50-dən çox yaraqlı yaralanıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi