Yuxarı
    Bağlamaq

    Əfqanıstanda polis rəisi öldürülüb, onun mühafizəçisi isə ağır yaralanıb

    Hadisə Taliban terror qruplaşması tərəfindən törədilib

    Bakı. 6 mart. REPORT.AZ/ Əfqanıstanda baş vermiş partlayış nəticəsində polis rəisi həlak olub.

    "Report" xəbər verir ki, bu barədə "Anadolu" agentliyi məlumat yayıb.

    Məlumata görə, öldürülən şəxs ölkənin şimalındakı Fəryab vilayətinin Almar rayonunun polis rəisi Məhəmməd Nazim Fəryabidir.

    Fəryab Vilayəti Polis Departamentinin sözçüsü Əbdülkərim Yuris jurnalistlərə bildirib ki, rəisin xidməti avtomobilinə uzaqdan idarə olunan partladıcı qurğu yerləşdirilib və o, ofisdən evə gedərkən bomba işə salınıb. Nəticədə polis rəisi həlak olub.

    Partlayış nəticəsində həmçinin daha bir mühafizəçi ağır yaralanıb.

    Hadisənin "Taliban" terror qruplaşması tərəfindən törədildiyi bildirilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi