Əfqanıstanda partlayış zamanı 3 nəfər həlak olub

Əfqanıstanın Qəndahar şəhərində baş verən partlayışda biri uşaq olmaqla üç nəfər ölüb, yeddi nəfər yaralanıb. “Report” RİA “Novosti”yə istinadən xəbər verir ki, partlayıcı qurğu Əfqanıstan prezidenti Əşrəf Qaninin yerli ofisinin girişində işə düşüb.

Qeyd edək ki, Əfqanıstanın müstəqil seçki komissiyası mart ayında prezident seçkilərinin 2019-cu il sentyabrın 28-də keçiriləcəyini elan edib.

Ölkədə fəaliyyət göstərən “Taliban” hərəkatı hökuməti seçkiləri pozmaqla hədələyib.