Əfqanıstanın Fərah əyalətində sərnişin avtobusunun partladılması nəticəsində çoxu qadın və uşaqlar olan 34 sərnişin ölüb, 17 nəfər yaralanıb.
“Report” “The Defence Post”a istinadən xəbər verir ki, bu barədə Fərah əyaləti hakimiyyətinin sözçüsü Muhibullah Muhib məlumat verib.
Onun sözlərinə görə, hadisə Qəndahar – Herat magistral avtomobil yolunda avtobusun yol kənarında yerləşdirilmiş partlayıcı qurğuya toxunması nəticəsində baş verib.
Hadisənin məsuliyyətini hələlik heç kim üzərinə götürməyib.