Yuxarı
    Bağlamaq

    ​Əfqanıstanda Moldova vertolyotu vurulub, 18 nəfər əsir düşüb

    Təhlükəsizlik qüvvələrinin onları azad etmək cəhdi uğursuz alınıb

    Bakı. 25 noyabr. REPORT.AZ/ "Taliban" yaraqlıları Əfqanıstanda vurulan Moldovaya məxsus vertolyotun sərnişin və heyət üzvlərini əsir götürüblər. Vertolyot bu ölkədə BMT-nin himayəsi altında sülhməramlı missiyada iştirak edib.

    "Report" xəbər verir ki, bunu "Publika" telekanalına Moldovanın daxili işlər naziri əvəzi Oleq Balan bildirib.

    İlkin məlumatlara görə, hazırda üçü Moldova vətəndaşı olmaqla 18 nəfər taliblərin əsirliyindədir. Vertolyot çərşənbə axşamı Əfqanıstanın Fəryab əyalətində qəzaya uğrayıb. Bu ərazi "Taliban"ın nəzarəti altındadır.

    "Frans Press"in məlumatına görə, əsirlərdən 15-i hərbçidir. Əfqan təhlükəsizlik qüvvələri onları azad etməyə cəhd göstərsələr də, taliblər müqavimət göstəriblər və güc strukturları geri çəkilməyəcəyi təqdirdə əsirləri edam edəcəkləri ilə hədələyiblər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi