Yuxarı

​Əfqanıstanda məhkəmə binasına basqında iki polis ölüb

Silahlı qruplaşmalardan heç biri hadisənin məsuliyyətini üzərinə götürməyib

Bakı. 26 may. REPORT.AZ/ Əfqanıstanın mərkəzi hissəsində yerləşən Vardak əyalətində naməlum üç silahlının məhkəmə binasına hücumu nəticəsində azı 2 polis ölüb.

"Report" "RİA Novosti"yə istinadən xəbər verir ki, bu haqda ölkənin rəsmi telekanalı məlumat yayıb.

İntiharçı-terrorçular əyalətin mərkəzi Meydan-Şəhr şəhərindəki binanın giriş hissəsində partlayıcı qurğunu partladıblar. Partlayışdan sonra terrorçulardan ikisi binaya daxil olub.

Əyalət polisinin başçısı Xəlil Əndarabi deyib ki, onlar məhkəmə binasında zərərsizləşdirilib.

"Hadisə nəticəsində iki polis ölüb, üç dinc sakin yaralanıb", - o bildirib.

Əfqanıstandakı silahlı qruplaşmalardan heç biri hadisənin məsuliyyətini üzərinə götürməyib.


Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi