Əfqanıstanda hərbi helikopterin qəzaya uğraması nəticəsində 7 nəfər ölüb.
“Report” “Haber7”yə istinadən xəbər verir ki, məlumatı Hərbi Hava Qüvvələrinin əyalətdəki sözçüsü Məhəmməd Hənif Rzai bildirib.
Onun sözlərinə görə, “Mİ17” tipli helikopter Əfqanıstanın Məzari-Şərif əyalətinin Dorahi Hayratyan rayonundan havaya qalxandan sonra yerə düşüb.
O bildirib ki, qəza nəticəsində 1 pilot, 6 hərbçi ölüb.
M.H.Rzai helikopterin texniki nasazlıq nəticəsində qəzaya uğradığının ehtimal olunduğunu qeyd edib.