Əfqanıstanda bazarda partlayış baş verib, ölən və yaralananlar var

Bakı. 31 mart. REPORT.AZ/ Əfqanıstanın Celalabad şəhərində yerli bazarda baş vermiş partlayış nəticəsində azı 1 nəfər ölüb, daha 2 nəfər yaralanıb.

“Report” RİA "Novosti"yə istinadən xəbər verir ki, bu barədə Nanqarhar əyalət qubernatoru Ataullu Hoqyaniyə istinadən yerli "Tolo News" telekanalı məlumat yayıb.

Şahidlərin sözlərinə görə, partlayıcı qurğu bazar ərazisində fəaliyyət göstərən həkimin qəbul otağı qarşısında baş verib.

Hadisənin təfərrüatları məlum deyil. Hələ ki, heç bir qruplaşma partlayışa görə məsuliyyəti öz üzərinə götürməyib.