Əfqanıstanda 5,1 bal gücündə zəlzələ olub

İyunun 25-də səhər saatlarında Əfqanıstanın paytaxtı Kabulda və başqa şəhərlərdə 5,1 bal gücündə zəlzələ olub.

“Report” TASS-a istinadən xəbər verir ki, məlumatı ölkənin Təbii Ehtiyatlar üzrə Dövlət Komitəsi yayıb.

Yeraltı təkanların ocağı ölkənin şimal-şərqindəki Hinduquş dağ silsiləsində, 18,6 km dərinlikdə yerləşib.

Zəlzələ Parvan əyalətinin mərkəzi Çarikar şəhərində də hiss edilib.

İnsan itkisi və dağıntılar barədə hələlik məlumat yayılmayıb.