Əfqanıstan ordusu “Taliban” qruplaşmasının 187 silahlısını məhv edib, 112-si yaralanıb

Əfqanıstanda hökumət qüvvələri son sutkada “Taliban” qruplaşmasının 187 silahlısını məhv edib, 112-si yaralanıb.

“Report” “Sputnik Afqanistan”a istinadən xəbər verir ki, məlumatı ölkənin Milli Müdafiə Nazirliyi yayıb.

Əməliyyat nəticəsində “Taliban”ın 2 silahlısı həbs olunub, çoxlu sayda silah və sursat müsadirə olunub.

Nazirliyin məlumatına əsasən, qruplaşamanın silahlıları Kunar, Loqar, Qəznə, Host, Qəndəhar, Uruzqan, Fəryab, Bəlx, Cauzcan, Samanqan, Gilmend, Tahar, Kunduz, Baqlan və Kapisa əyalətlərində zərərsizləşdiriliblər.