Efiopiya ölkənin Somali ştatına qoşun yeridib

Bakı. 5 avqust. REPORT.AZ/ Efiopiya hökumətinin ölkənin Somali ştatının inzibati mərkəzi sayılan Ciciqa şəhərinə qoşun yeritməsi şənbə günü yerli təhlükəsizlik qüvvələrini müqavimət göstərməyə, həmçinin kütləvi iğtişaşlara təhrik edib.

“Report” TASS-a istinadən xəbər verir ki, bu barədə "Reuters" məlumat yayıb.

"Regionda sülh və təhlükəsizlik təhlükə altında olduqda, bizim silahlı qüvvələrimiz xaos və qarşıdurmaların cərəyan etməsinə susaraq müşahidəçi olmayacaq və öz konstitusiya öhdəliklərinə müvafiq olaraq lazımi tədbirlər görəcək", - deyə Efiopiyanın Müdafiə Nazirliyi Ciciqadakı hadisələrə cavab olaraq bəyan edib.