Dünyada 150 milyondan çox insan COVID-19-a yoluxub

Dünya üzrə koronavirusa yoluxmuş insanların sayı 150 milyonu keçib.

“Report” xəbər verir ki, bu barədə Cons Hopkins Universitetinin yaydığı məlumatlarda deyilir.

Məlumatlara görə, dünyada 150 530 783 insan koronavirusa yoluxub, bunlardan 3 165 978 xəstə ölüb və 87 570 816 xəstə sağalıb.

Yoluxmaların ən böyük sayı (32 288 904 nəfər) ABŞ-da qeydə alınıb. Bu ölkədə xəstələrdən 575 193 nəfəri ölüb.

18 762 976 yoluxma ilə ikinci yerdə olan Hindistanda 208 330 nəfər koronavirusdan ölüb.

Üçüncü yeri 14 590 678 yoluxma və 401 186 ölü sayı ilə Braziliya tutur.