Dövlət Departamenti: ABŞ Şimali Koreya ilə dialoqa hazırdır

Vaşinqton Pxenyana müzakirələr üçün konkret təkliflər göndərib və müsbət cavab gözləyir.

"Report" xəbər verir ki, bu barədə Dövlət Departamentinin mətbuat katibi Ned Prays keçirdiyi brifinqdə məlumat verib.

"Biz istənilən vaxt və istənilən yerdə heç bir şərt olmadan KXDR nümayəndələri ilə görüşməyə hazırıq. Onlara göndərilən məktublarda müzakirələr üçün konkret təkliflər verdik. Ümid edirik ki, müsbət cavab verəcəklər", - Prays deyib.