Yuxarı

​DİN: Banqladeşdə restorana hücumu İŞİD yox, yerli yaraqlılar törədib

Onlar Camaatul Mucahidin Banqladeşin üzvləridirlər

Bakı. 3 iyul. REPORT.AZ/ Banqladeşin paytaxtı Dəkkədəki restoranlardan birində 20 nəfərin ölümünə səbəb olan hücumu İŞİD terror qruplaşmasının üzvləri deyil, yerli yaraqlılar törədib.

"Report" xəbər verir ki, bu barədə ölkənin daxili işlər nazirinə istinadən "Frans Press" məlumat yayıb.

"Onlar "Camaatul Mucahidin Banqladeş"in (JMB) üzvləridirlər", — deyə nazir Əsaduzzaman Xan agentliyə bildirib.

"Onların İŞİD-lə heç bir əlaqələri yoxdur", — deyə o əlavə edib.

Silahlı terrorçular cümə günü axşam Dəkkənin diplomatik məhəlləsində yerləşən restorana hücum ediblər. Şənbə günü səhər polis əməliyyat keçirdərək 6 terrorçunu məhv edib. Əməliyyat zamanı 13 nəfəri girovluqdan azad etmək mümkün olub, 20 girov ölüb.

KİV-in məlumatına görə, hücuma görə məsuliyyəti İŞİD yaraqlıları öz üzərilərinə götürüblər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi