Dünya Bankı Livana 100 milyon dollar yardım ayıra bilər

Dünya Bankı (DB) Livana 100 milyon ABŞ dolları məbləğində yardım ayıra bilər. Əlavə vəsaitlərin gözlənilməz vəziyyətlər üçün nəzərdə tutulan ehtiyatlar hesabına ayrılması mümkündür.

"Report" xəbər verir ki, bu barədə "Reuters" DB-nin əməliyyatlar üzrə idarəedici direktoru Anna Byerdeyə istinadən məlumat yayıb.

Onun sözlərinə görə, Livanın Dünya Bankına 1,65 milyard ABŞ dolları məbləğində borcu var, bunun 250 milyon dolları bərpa olunan enerji mənbələrinin inkişafının təşviqi üçün oktyabrda ayrılıb.