Bakı. 17 oktyabr. REPORT.AZ/ Cənubi Koreyada pop konserti zaman on dörd nəfər ölüb, ən azı on bir nəfər müxtəlif xəsarətlər alıb. Bu barədə "Report" Cənubi Koreyanın "Renxap" agentliyinə istinadən xəbər verir.
Tədbir Seulun yaxınlığında yerləşən Sonnam (Seongnam) şəhərində açıq havada keçirilib. Asiyada məşhur olan "4minute" qrupunun çıxışı zaman konsertə gələn tamaşaçıların ağırlığına dözməyən ventilyasiya barmaqlığı düşüb. Nəticədə 25 nəfər 20 metr yüksəklikdən yeraltı dayanacağa düşüblər.
Hadisənin səbəbləri hələ ki, bilinmir.