Co Bayden xalqa müraciət edəcək

Digər ölkələr

07 noyabr, 2020
23:13

Co Bayden

ABŞ-ın Demokratlar partiyasından prezidentliyə namizəd, seçkilərdə qalib gəldiyini elan etmiş Co Bayden yerli vaxtla saat 20:00-da (Bakı vaxtı ilə saat 05:00-da) ABŞ vətəndaşlarına müraciət edəcək.

“Report”un məlumatına görə, bu barədə mənbələrə istinadən CNN telekanalı xəbər verib.

Mənbələr bildirib ki, siyasətçi Uilminqtonda (Delaver ştatı) xalqa müraciət edəcək. Daha əvvəl ABŞ-ın aparıcı mətbu orqanları - “ABC News”, “FOX News”, CNN, AP və NBC prezident seçkilərində demokratların namizədi Co Baydenin qələbəsini elan edinlər.

Noyabrın 3-də ABŞ-da prezident seçkiləri keçirilib. Seçkilərdə demokrat Co Baydenlə hazırkı prezident Donald Tramp dövlət başçısı postuna əsas iddialı olublar. Seçkilərin rəsmi nəticələri hələ açıqlanmayıb.