CNN-nin aparıcısı Rusiya ilə bağlı xəbərlərdən yorulduğunu bildirib

Bakı. 18 iyul. REPORT.AZ/ Amerikanın CNN telekanalının aparıcısı Elisin Kamerota Rusiya haqqında xəbərlərdən yorulduğunu bildirib.

"Report" xəbər verir ki, bunu o, "77 WABC" radiostansiyasına müsahibəsində deyib.

"Görürəm, siz Rusiya haqqında xəbərlərdən artıq yorulmusuz, bu hislərə mən də şərikəm", - deyə Kamerota müsahibəsində bildirib.

"Federal xəbərlər agentliyi"nin məlumatına görə, jurnalist, həmçinin onu da əlavə edib ki, o səhərlər işə gedən zaman "Rusiya izi" haqqında xəbərlərə hər hansı bir əvəz tapılması barədə az qala dua edir.