Çinin cənub-qərbində baş verən ağır yol qəzasında beş nəfər ölüb

Çinin cənub-qərbində yerləşən Siçuan əyalətinin Baçjun şəhərində baş verən ağır yol-nəqliyyat hadisəsi nəticəsində beş nəfər ölüb, bir nəfər ağır yaralanıb.

“Report” xəbər verir ki, bu barədə “Xinhua” agentliyi yerli hakimiyyət orqanlarına istinadən məlumat yayıb.

Qeyd olunub ki, onlardan dördü hadisə yerində ölüb, biri isə həkimlərin səylərinə baxmayaraq vəfat edib.

Qəza bu gün saat 11:40 radələrində yük maşınının digər avtomobillərlə toqquşması nəticəsində baş verib. Hadisə nəticəsində 12 avtomobil zədələnib.

Hazırda qəzanın səbəbləri araşdırılır.