Çindən kənarda koronavirusa yoluxanların sayı 2,4 min nəfəri ötdü

Çindən kənarda koronavirusa yoluxanların sayı 2 459 nəfərə çatıb.

“Report” RİA “Novosti”yə istinadən xəbər verir ki, bu barədə Ümumdünya Səhiyyə Təşkilatının gündəlik hesabat məlumatında bildirilir.

Məlumata görə, Çindən xaricdə bir gün ərzində virusa yoluxma ilə bağlı təsdiq edilmiş hadisələrin sayı 390-a qədər artıb. Hazırda bu ölkədən kənarda koronavirusa yoluxma hadisələri 33 ölkədə qeydə alınıb.

Bildirilir ki, Çin Xalq Respublikasından xaricdə koronavirusdan 34 nəfər ölüb. Ölüm hadisələrindən 11-i bir gün ərzində qeydə alınıb.