Çində yanğın olub: 6 ölü, 5 yaralı

Bakı. 1 dekabr. REPORT.AZ/ Çinin Tyançzin liman şəhərində baş vermiş yanğın nəticəsində 6 nəfər ölüb, daha 5 nəfər xəsarət alıb.

"Report" xəbər verir ki, bu barədə yerli dövlət orqanları məlumat yayıb.

Qeyd edilir ki, hadisə yerli vaxtla saat 04:00-da, Pekinin yaxınlığındakı Tyançzin şəhərinin Hesi rayonunda, 38 mərtəbəli binada baş verib. Hadisədə zərə çəkmiş 11 nəfər xəstəxanaya yerləşdirilib. Hesi rayonunun dövlət orqanlarının məlumatına görə, həkimlərin səyinə baxmayaraq, onlardan 6-ı ölüb.

Yanğınsöndürənlər alovu söndürməyə nail olublar. Hazırda yanğının fəsadları aradan qaldırılır.

Yanğının səbəbləri araşdırılır.