Çində torpaq sürüşməsi nəticəsində ölənlərin sayı 11-ə çatıb

Yanvarın 22-də Çinin cənub-qərbindəki Yunnan əyalətində baş verən torpaq sürüşməsi nəticəsində ölənlərin sayı 11 nəfərə çatıb.

“Report” xəbər verir ki, bu barədə yerli hakimiyyət orqanları məlumat yayıb.

İtkin düşənlərin axtarışı davam edir.

Xatırladaq ki, təbii fəlakət yanvarın 22-i yerli vaxtla 5:51-də Yunnan əyalətinin Çjensyun qəzasındakı bir neçə kənddə baş verib. Nəticədə 47 nəfər itkin düşüb.