Çində mədəndə partlayışlar baş verib, ölənlər var

Çinin Şandun vilayətinin kömür mədənlərinin birində silsilə partlayışlar baş verib.

“Report” TASS-a istinadən xəbər verir ki, hadisə nəticəsində 7 nəfər ölüb, 9 nəfər isə yaralanıb.

Məlumata görə, yaralananlardan birinin vəziyyəti ağırdır.

Bildirilib ki, partlayışlar yerli vaxtla saat 06:55-də olub. Hadisə zamanı yer altında 19 mədənçi olub.