Çində iki gəmi toqquşub, 11 nəfər itkin düşüb

Bakı. 20 dekabr. REPORT.AZ/ Çinin şərqində balıqçı və yük gəmisinin toqquşması nəticəsində 11 nəfər itkin düşüb.

"Report" xəbər verir ki, bu barədə "Sina" portalı məlumat yayıb.

İnsident Bakı vaxtı ilə bazar ertəsi 20:15-də Futszyan əyalətinin Çjançjou şəhər dairəsi yaxınlığında baş verib.

Balıqçı gəmisi qəza nəticəsində batıb. Onun 14 heyət üzvündən hələ ki, 3 nəfəri xilas etmək mümkün olub.

Qəza yerində axtarış-xilasetmə işlərinə başlanıb.