Çində baş verən zəlzələ nəticəsində 12 nəfər həlak olub

Bakı. 9 avqust. REPORT.AZ/ Çinin cənub-qərbində baş verən zəlzələ nəticəsində həlak olanların sayı 12 nəfərə çatıb. Təbii fəlakət nəticəsində 175 nəfər xəsarət alıb.

"Report" xəbər verir ki, bu barədə Çinin mərkəzi televiziyası məlumat yayıb. Yerli hakimiyyət təbii fəlakət nəticəsində ölənlərinin sayının arta biləcəyini istisna etməyib.