Çin ABŞ mallarına rüsumları 84%-ə qədər artırıb

Çin ABŞ mallarına rüsumları Prezident Donald Trampın tətbiq etdiyi ticarət məhdudiyyətlərinə cavab olaraq 50% artırıb.

Bu barədə "Report" RBK-ya istinadən məlumat verir.

Beləliklə, ABŞ-dan Çinə idxal üzrə ümumi tarif səviyyəsi 84%-ə çatıb.

Xatırladaq ki, Tramp martda Çin mallarına 20 faizlik rüsumlar, apreldə isə əlavə 34 faizlik rüsumlar tətbiq etmişdi. Pekin simmetrik şəkildə cavab verərək, oxşar 34 faizlik tariflər müəyyən etdi.

Çinin güzəştə getməkdən imtina etməsindən sonra Tramp rüsumları daha 50% artırmağı əmr etdi. Nəticədə Çin idxalına Amerika tariflərinin ümumi səviyyəsi 104%-ə çatdı.