Çikaqoda sutəmizləyici stansiyada partlayış nəticəsində 10 nəfər xəsarət alıb

Bakı. 31 avqust. REPORT.AZ/ ABŞ-ın Çikaqo şəhərində sutəmizləyən stansiyada baş vermiş partlayışdan onun tavanının uçması nəticəsində 10 nəfər xəsarət alıb.

“Report” RİA "Novosti"yə istinadən xəbər verir ki, bu barədə "Metropolitan Water Reclamation District" (MWRD) idarəetmə şirkəti məlumat yayıb.

Bildirilir ki, partlayış şlamın sıxlaşdırılması sexində baş verib. İki işçi hadisə yerinə gələn xilasedicilər tərəfindən dağıntılar altından çıxarılıb.