Çexiya Almaniyadan 14 “Leopard 2A4” tankı alacaq

Çexiya 3,98 milyard krona (təxminən 150 milyon ABŞ dolları-red) Almaniyanın 14 “Leopard 2A4” tankını alacaq.

“Report” xəbər verir ki, bu barədə CTK informasiya agentliyi məlumat yayıb.

Məlumata görə, tankların alınması respublika hökuməti tərəfindən təsdiqlənib. Çexiyanın Müdafiə Nazirliyi 2024-cü ilin sonuna qədər döyüş texnikası istehsalçısı “Rheinmetall Landsysteme” ilə müvafiq müqavilə bağlamağı planlaşdırır, buna görə 14 tankın hamısı 2026-cı ilin sonuna qədər alınmalıdır.

Xatırladaq ki, Çexiya əvvəllər Almaniyadan hədiyyə olaraq 28 ədəd “Leopard 2A4” tankı alıb. Berlin Ukraynaya göstərdiyi hərbi yardıma görə onları Praqaya verib. Orduda ümumilikdə 42 belə tank olacaq.