Cənubi Koreyada avtomobil izdihamın üzərinə sürülüb, azı 9 nəfər ölüb

Cənubi Koreyanın paytaxtı Seulun mərkəzində avtomobilin piyadaların üzərinə sürülməsi nəticəsində azı 9 nəfər ölüb, 4 nəfər yaralanıb.

"Report"un məlumatına görə, bu barədə "Yonhap" agentliyi Cənubi Koreya polisinə istinadən məlumat yayıb.

Daxil olan məlumata görə, qəza Seul meriyasının yaxınlığındakı yolayrıcında baş verib.

Avtomobili idarə edən yaşlı kişi işıqforun yaşıl işığını gözləyən piyadaları vurub. Onun hadisədən əvvəl daha iki avtomobillə toqquşduğu bildirilib.

Faktla bağlı araşdırma aparılır.