Cənubi Koreyada 18 nəfərdə koronavirus aşkarlandı

Cənubi Koreyada ötən sutka ərzində koronavirusa yoluxanların sayı 18 nəfər artaraq 10 840-a çatıb.

“Report” “RİA Novosti”yə istinadən xəbər verir ki, bu barədə ölkənin Səhiyyə Nazirliyi yanında Xəstəliklərə Nəzarət və Profilaktikası üzrə Mərkəzi bildirib.

Qeyd olunub ki, koronavirusa yoluxan şəxslərin çoxu xarici ölkələrdən gəlib. Son məlumata görə, 9 568 xəstə müalicə alaraq sağalıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.