Cənubi Koreya sularında Rusiyaya məxsus gəmidə yanğın olub, itkin düşənlər var

Cənubi Koreyanın Ulsan şəhərinin sahil sularında Rusiyaya məxsus balıqçı gəmisində yanğın baş verib, 4 nəfər itkin düşüb.

“Report” xəbər verir ki, bu barədə Koreyanın Sahil Mühafizəsinə istinadən “Yonhap” agentliyi məlumat yayıb.

Hadisə zamanı gəmidə ümumilikdə 25 nəfər olub, onların hamısı Rusiya vətəndaşıdır. Cənubi Koreya hakimiyyəti 21 nəfəri xilas edib, onlardan 2-si yüngül xəsarət alıb.

Qeyd edilir ki, Cənubi Koreya Sahil Mühafizəsi təhlükə siqnalını aldıqdan sonra xilasedici gəmi göndərib. Cənubi Koreya dörd ekipaj üzvünün axtarışlarını davam etdirir.