Cənubi Koreya Prezidenti BƏƏ-yə dövlət səfəri edəcək

Koreya Respublikasının (Cənubi Koreya) Prezidenti Yun Sok Yol yanvarın 14-17-də ilk dəfə BƏƏ-yə dövlət səfəri edəcək.

"Report" xəbər verir ki, bu barədə "Yonhap" agentliyi məlumat yayıb.

O, BƏƏ-də bu ölkənin Prezidenti Məhəmməd bin Zayed Al Nəhyanla danışıqlar aparacaq, Cənubi Koreya hərbçiləri ilə görüşəcək və Seulun iştirakı ilə tikilmiş atom elektrik stansiyasına baş çəkəcək.

Daha sonra Cənubi Koreya lideri Davosda keçiriləcək Dünya İqtisadi Forumunda iştirak etmək üçün yanvarın 17-də İsveçrəyə yollanacaq.