Cənubi Koreya lideri kadr dəyişiklikləri edib

Cənubi Koreyanın prezidenti Mun Çje İn beş ayda ilk dəfə olaraq kadr dəyişiklikləri edərək nazir vəzifəsində olan 8 məmurun yerini dəyişib.

"Report" "TASS" a istinadən xəbər verir ki, bu barədə ölkə rəhbərinin administrasiyası məlumat yayıb.

Belə ki, əvvəllər prezidentin mülki işlər üzrə katibi vəzifəsini icra edən Ço Quk yeni ədliyyə naziri olub.

Keçmiş Birlik naziri Çon Se Hyen Milli Birlik Şurasının rəhbərinin müavini, keçmiş diplomat, Milli Məclisin üzvü Li Su Hyek isə Koreya Respublikasının ABŞ-dakı yeni səfiri təyin edilib.