Cənubi Afrikada avtobus qəzası nəticəsində 20 nəfər ölüb, 68 nəfər yaralanıb

Cənubi Afrikada turist avtobusu ilə yük maşınının toqquşması nəticəsində 20 nəfər ölüb, 68 nəfər yaralanıb.

“Report” xəbər verir ki, bu barədə “Daily Mail” məlumat yayıb.

Nəqliyyat hadisəsi ölkənin şimal-qərbində, Limpopo əyalətinin Makado bələdiyyəsinin 1 nömrəli magistral yolunda baş verib. Qeyd olunub ki, hadisə nəticəsində avtobus körpüdən çaya aşıb. Ölənlərin çoxu avtobusun altında qalıb.

Hüquq-mühafizə orqanları qəzanın səbəblərini araşdırır.

İlkin məlumatlara görə, hadisə zamanı güclü yağış yağırmış.