Bakı. 4 oktyabr. REPORT.AZ/ Rusiyanın Hərbi-Kosmik Qüvvələrinin aviazərbələri nəticəsində "Cəbhət-ən-Nüsrə" qruplaşmasının lideri Əbu Məhəmməd əl-Culyani ağır yaralanıb və hazırda vəziyyəti kritikdir.
"Report" RİA "Novosti"yə istinadən xəbər verir ki, bu barədə Rusiya Müdafiə Nazirliyinin rəsmi nümayəndəsi, general-mayor İqor Konaşenkov məlumat verib.
Onun sözlərinə görə, bir neçə kanaldan terrorçuların bir araya gəlməsi barədə məlumat əldə etdikdən sonra avizərbə endirmək qərarı verilib.
Məlumata görə, hədəfin vurulması üçün "Su-34" və "Su-35" təyyarələri təyin edilib.