CBS: Trampa atəş açmaqda şübhəli bilinən şəxs öldürülüb

ABŞ prezidentliyinə namizəd Donald Trampın Pensilvaniya ştatındakı mitinqində atəş açmaqda şübhəli bilinən şəxs öldürülüb.

“Report” xəbər verir ki, bu barədə CBS məlumat yayıb.

“Şübhəli şəxs güman edilən atəşdən sonra Gizli Xidmət tərəfindən zərərsizləşdirilib”, – telekanalın sosial şəbəkə hesabında qeyd olunub.

"Associated Press"ə görə, hadisə nəticəsində mitinq iştirakçılarından da bir nəfər ölüb.

Xatırladaq ki, ABŞ prezidentliyinə namizəd Donald Trampın mitinqi zamanı atəş açılıb.